2023 жылдың мамыр айынан бастап Аурухана төңірегінде және бағынысты Төретам кенті мен Ақай ауылдық округіндегі медициналық мекемелерде Қазақстан Республикасының 2015 жылғы 18 қарашадағы «Сыбайлас жемқорлыққа қарсы іс-қимыл туралы» Заңын орындау мақсатында және Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» №12 бұйрығын басшылыққа ала отырып 2023 жылдың қаңтар айынан бастап сыбайлас жемқорлық тәуекелдеріне ішкі талдау жұмыстары жүргізілуде. Тексеріс жұмыстарын бас дәрігердің бұйрығы негізіндегі жоспарға сәйкес, сыбайлас жемқорлыққа қарсы іс-қимыл маманы — комплаенс офицері жүргізеді.  Талдаудың мақсаты, аурухана қызметі тарапынан сыбайлас жемқорлық жасауға ықтимал тұстарын анықтау, болдырмау және ескерту болып табылады. Құрметті тұрғындар, егер Сізге аурухана қызметкерлері тарапынан тез арада дәрігердің қарауынсыз медициналық анықтама, медициналық қарау нысан № 86(мед.осмотр), стационарлық немесе емханалық деңгейде ем алу үшін порталда орынды жылжыту және өзге де тегін медициналық көмек төңірегінде заңсыз ақшалай сый ақы сұраған немесе талап еткен оқиғалар болса, мына байланыс нөмерлеріне хабарласыңыздар: 8-776-900-85-85 немесе сыбайлас жемқорлыққа қарсы іс-қимыл агенттігінің орталығына 1424 мобильдік номеріне хабарласыңыздар.   Сыбайлас жемқорлықпен бірге күресейік, ол Қазақстан Республикасы азаматтарының міндеті, мүддесі және ортақ борышы болып табылады.